Një person ka vdekur në fshatin Bellopojë të Istogut më 14.10.2024 si pasojë e lëndimeve që ka marrë nga një mjet bujqësor.
Rastin për KALLXO.com e ka konfirmuar zëdhënësi i Policisë për rajonin e Pejës, Fadil Gashi.
Ai ka thënë se viktima pas lëndimeve është dërguar në Emergjencën e Spitalit Rajonal të Pejës dhe aty nga mjeku kujdestar është konstatuar vdekja e tij.
“Në ora 13:30, policia është njoftuar se një person gjersa ka qenë duke punuar ka pësuar lëndime nga një mjet bujqësor. Policia ka dal në vendin e ngjarjes, i lënduari është dërguar fillimisht në QMF pastaj në Emergjencë të Spitalit Rajonal, në Emergjencë mjeku kujdestar ka konstatuar vdekjen”- tha Gashi.
Sipas zëdhënësit, me urdhër të prokurorit viktima është dërguar në IML për obduksion.