Policia ka njoftuar se një burrë është ankuar ndaj një personi, për kundërmim nga shpezët (pula dhe pata), të cilat i mbante i dyshuari.
Sipas Policisë, personi që kishte raportuar rastin, ka lajmëruar edhe inspektorët të cilët pasi kishin dalë në vendin e ngjarjes, i dyshuari i kishte kërcënuar.
“Njёsitet relevante kanё arrestuar tё dyshuarin dhe gjatё kontrollit tek i njёjti ёshtё gjetur dhe sekuestruar një pushkë ajrore”- thuhet në raportin e Policisë, të lëshuar sot më 03.10.2024.
Ndërkaq, i dyshuari pas intervistimit është dërguar në mbajtje për 48 orë, njofton Policia e Kosovës.
Rasti i inicuar si “Mbajtje në pronësi, kontroll apo shfrytëzim i pautorizuar i armëve” dhe “Kanosje”, është regjistruar më 02.10.2024, në Pejë.