Organizata serbe joqeveritare, Qendra e Avokimit për Kulturë Demokratike (ACDC), përmes një komunikate kanë thënë se dënojnë ashpër rrahjen e qytetarit serb nga Mitrovica e Veriut, Millosh Subotiq, për të cilin pretendojnë se u rrah padrejtësisht nga Policia e Kosovës.
Në emër të katër organizatave: Ngo Aktiv, Center for Affirmative Social Actions – CASA, NGO ACDC, Institute for Territorial Economic Development, New Social Initiative – Nova društvena inicijativ, ACDC ka njoftuar se kanë ndërprerë bashkëpunimin me EULEX-in derisa të deklarohet për arrestimin dhe rrahjen sic të e quajnë ata të paligjshme të Millosh Subotiq.
“Heshtja e vazhdueshme e këshilltarëve të policisë lokale të EULEX-it dhe i gjithë misionit për modelin e veprimeve të paligjshme policore vazhdon të jetë e papranueshme dhe për këtë arsye kërkojmë që ky mision të përfundojë menjëherë praktikën e mosveprimit publik të gjetjeve të veta për punën e policisë dhe tash e tutje të deklarohet për të gjitha kontestet e rastet ose në të kundërtën, të ndalojë plotësisht gjoja monitorimin e punës së policisë që pretendon se kryen” – thuhet në reagimin e tyre.
Inspektorati Policor i Kosovës përmes një komunikate për media ka njoftuar se përmes një hetimi preliminar do të verifikojë pretendimet për keqtrajtim nga Policia të Millosh Subotiq.
IPK tutje ka njoftuar se ka filluar procesin e grumbullimit të informacioneve dhe hetimit rreth pretendimeve të shoqërisë cvile në veri për rrahjen e Subotiq nga Policia e Kosovës në sheshin “Car Lazar” në Mitrovicë të Veriut.
Siç raportohet nga Policia, incidenti ka ndodhur të shtunën më 26,10.2024, pas mesnate ku policia ka arrestuar dhe shoqëruar Subotiq nën dyshimin se kishte dëmtuar pronën e një dyqani privat në prezencë të zyrtarëve policorë.
Ndërsa, pas shqiptimit të një tikete për kundërvajtje, Policia thotë se i njëtjti është liruar.
“Hetuesit e IPK-së përmes një hetimi preliminar do të verifikojnë pretendimet për keqtrajtim të të njëjtit nga policia gjatë ndërmarrjes së veprimeve policore në këtë incident”- thuhet në komunikatën e IPK-së të lëshuar sot, më 26.10.2024.