Tri raste të dhunës në familje janë raportuar brenda 24 orëve të fundit në Kosovë.
Një grua ka raportuar se është sulmuar fizikisht nga një e dyshuar në Fushë Kosovë.
“Lidhur me rastin e dyshuara pas intervistimit me vendim të prokurorit është dërguar në mbajtje”, – thuhet në raportin 24-orësh të Policisë.
Ndërkohë, në Kllokot është arrestuar një i dyshuar për kanosje.
“Në gjendje të dehur kishte kanosur me thikë dhe kishte tentuar ta sulmojë viktimën mashkull kosovar. I dyshuari pas intervistimit me vendim të prokurorit është dërguar në mbajtje”, – thuhet në raportin e Policisë.
Edhe në Shtërpcë është arrestuar një i dyshuar për sulm ndaj një gruaje.
“Nën ndikim të alkoolit ka ofenduar dhe sulmuar viktimën femër kosovare. Viktima ka pranuar tretman mjekësor ndërsa i dyshuari me vendim të prokurorit është dërguar në mbajtje”, – thuhet në raport.